Idara ya Fedha, Utawala na Utumishi katika Halmashauri ya Jiji la Dar es Salaam inasimamia masuala yote yanayohusiana na Fedha, Utawala na Utumishi katika utekelezaji wa majukumu ya Halmashauri. Idara ina sehemu ya Utawala, Utumishi na Fedha, sehemu hizo zinasimamia Ofisi za Utawala na Utumishi, Karimjee, Mikutano, Masjala ya wazi na siri, Malalamiko na Uchapishaji. Sehemu ya Fedha inasimamia Ofisi za Mapato, Matumizi, Mishahara na Sehemu ya Ufungaji wa Mahesabu.
MAJUKUMU YA UTAWALA NA UTUMISHI
Sehemu ya Utawala na Utumishi ina majukumu yafuatayo :-
Kushughulikia masuala ya watumishi.
Kushughulikia kero mbalimbali (kutoka ndani na nje) ya Halmashauri ya Jiji.
Kushiriki katika maandalizi ya Sherehe za Kitaifa na mapokezi ya wageni wa Kitaifa.
Kuandaa taarifa mbalimbali za kiutumishi.
Kuratibu vikao vya Kamati za Kudumu na Baraza la Madiwani
Kuwapandisha vyeo, kuwathibitisha kazini na kuwabadilisha vyeo watumishi.
Kuandaa bajeti ya matumizi mengineyo ya sehemu ya Mkurugenzi, Meya, Uraia, Utumishi na Utawala.
