Dar City yatoshana nguvu na Musoma DC

Tarehe iliyowekwa: August 18th, 2025

Na: Aritha Mziray-Tanga

Timu ya mpira wa miguu ya Halmashauri ya Jiji la Dar es salaam imegawana pointi na timu kutoka Halmashauri ya wilaya ya musoma mara baada ya kutoka sare ya goli 1-1 katika mchezo mkali wa mashindano ya SHIMISEMITA mkoani Tanga.

Goli hilo  lililofungwa na mchezaji hatari lazaro kajole ndani ya  dakika ya tatu za kipindi cha kwanza cha mchezo huo uliochezwa katika uwanja wa shule ya Sekondari Galanos.

Kipindi cha pili timu zote zilifanya mabadiliko ya wachezaji ambao kwa upande wa  musoma iliweza kuwaongezea nguvu na kupata goli la penati katika  dakika ya 33 ya  mchezo huo.

Timu hiyo imejikusanyia pointi 5 katika kundi lao mara baada ya kushinda mchezo wa kwanza dhidi ya timu ya Handeni Tc.

Mashindano hayo yanayoshirikisha halmashauri zote nchini yenye kauli mbiu "Jitokeze Kupiga Kura kwa Maendeleo ya Michezo" yameanza rasmi Agosti 15 na yanatarajiwa kukamilika Agosti 29 mwaka huu.