MSTAHIKI MEYA WA HALMASHAURI YA JIJI LA DAR ES SALAAM AKABITHI VIFAA KWA AJILI YA UJENZI WA VYOO SHULE YA MSINGI MAGOZA

Tarehe iliyowekwa: March 3rd, 2021

Na Judith Damas,                                                                                                                                                                                                                                                                                                 Mstahiki Meya wa Halmashauri ya Jiji la Dar es Salaam Mhe Omary Kumbilamoto ameahidi kuboresha miundombinu katika kata zote za Halmashauri ya Jiji , amesema hayo katika ziara  yake ya kutembelea shule ya msingi Magoza iliyopo  Kata ya Kisukuru   leo  tarehe 3, Machi 2021 ambapo amekabidhi vifaa vya ujenzi vyenye thamani ya shilingi laki nane na themanini (880000)  ikiwemo masinki 30  ya vyoo pamoja na  mifuko20 ya saruji hivyo  vifaa hivyo viligawanywa kama ifuatavyo,mifuko 10  ya saruji  na masinki 14 ya vyoo katika shule ya msingi Magoza pamoja na mifuko 10 ya saruji na masinki 16 ya vyoo  katika shule ya msingi Vingunguti.

Akizungumza na wananchi wa Kata ya Kisukuru  pamoja na walimu wa shule ya msingi Magoza Mstahiki Meya amemshukuru Rais wa Jamuhuri ya Muungano wa Tanzania Mhe.Dkt John Pombe Magufuli kwa kuipandisha hadhi iliyokua  Manispaa ya Ilala kuwa Halmashauri ya Jiji la Dar es Salaam na  kumuahidi Rais kuwa hatomuangusha.

"Namshukuru Mhe.Rais wa Jamuhuri ya Muungano wa Tanzania Mhe. Dkt John Pombe Magufuli kwa  heshima aliyotupa na kutukabidhi Halmashauri ya Jiji la Dar es Salaam kutoka Manispaa ya Ilala na  sisi  kama  wasaidizi wake ni kuhakikisha tunatekeleza malengo yote ya Rais aliyokuwa nayo hivyo changamoto nyingine ndogodogo tunaahidi tutazitatua".Amesema, Meya wa Halmashauri ya Jiji la Dar es salaam.

Aidha,   Kaimu Afisa Elimu Msingi Bw.Abilah Magochi Mchia  amemshukuru Msathiki Meya wa Halmashauri ya Jiji la Dar es Salaam kwa kutoa msaada wa masinki 14  ya vyoo na mifuko ya simenti  10  katika shule ya msingi Magoza pamoja na masinki 16 katika  shule ya msingi Vingunguti kwani  ni msaada mkubwa ambao utaboresha maendeleo katika shule hizo .

“Tunakushukuru sana Msahiki Meya wa Halmashauri ya Jiji la Dar es salaam Mhe. Omary Kumbilamoto kwa kuleta msaada katika shule zetu za msingi za Magoza pamoja na Vingunguti ni msaada mkubwa sana ambao utaboresha shule zetu hizi kwani vyoo vya wanafunzi vilikua haviko katika kiwango kizuri lakini kwa masinki haya watoto wetu wataenda kutumia vyoo vya kisasa ambavyo vipo katika mazingira salama kwamaana hawatoweza kupata magonjwa ya maambukizi”.Amema kaimu Afisa Elimu Msingi Bw.Mchia

Sambanba na hilo, Kaimu Afisa Elimu Msingi Bw.Mchia amemshukuru  Mheshimiwa diwani Lucy Jeremiah Lugome   wa Kata ya Kisukuru  kwa kueleza Changamoto hiyo kwa Mstahiki Meya ili zifanyiwe  kazi.

“Umemueleza Mstahiki Meya Changamoto iliyokua inaikabili shule ya Msingi Magoza basi Mstahiki Meya kwa umuhimu amesisitiza kujengwa  vyumba vinne vya madarasa katika shule hii ya Msingi Magoza  na Mstahiki Meya nakuahidi hizo fedha zitaletwa hapa kwaajili ya kuanza ujenzi wa vyumba hivyo vinne vya madarasa”.Amesema  hayo Kaimu Afisa Elimu Msingi

Kwa upande wake Mwalimu Mkuu wa shule ya msingi Magoza Bw. Simeon Kahwa amesema msaada huu uliotolewa na Mstahiki Meya  utasaidia sana kuleta mazingira rafiki kwa wanafunzi kwani wataongeza idadi ya vyoo ambavyo vitasaidia kulinda afya za wanafuzi.

“Tunamshukuru sana Mstahiki Meya wa Jiji la Dar es Salaam kutuletea msaada huu kwani kimsingi idadi ya vyoo ilikua haitoshelezi kwa wanafunzi hivyo kutokana na msaada huu tutaongeza idadi ya vyoo kwa ajili ya kuleta mazingira rafiki kwa watoto wetu”.Amesema Mwl.Kahwa